Foto ashyq derekkózden alyndy
Aqtóbede aýlada oinap júrip joǵalyp ketken 4 jasar Danil Ahýnov óli tabyldy, - dep habarlaidy "Ult aqparat" Polisia.kz Telegram arnasyna silteme jasap.
"Izdeý sharalarynyń nátijesinde 28 jeltoqsanda joǵalyp ketken 2018 jyly týǵan Danil Ahýnovtyń zorlyqpen ólim belgileri bar máiiti tabyldy. Kúdikti ustalyp, ÝUI-ǵa qamaýǵa alyndy.
QR QK-niń 99-baby 3-bóligi "Jas balany óltirý" boiynsha sotqa deiingi tergeý júrgizilip jatyr.
Qylmystyq isti tergep-tekserý sheńberinde ózge aqparat jariia etilmeidi" - delingen habarlamada.
Eske salaiyq, 29 jeltoqsanda 4 jasar Danil Ahýnov aýlada oinap júrgen jerinen joǵalyp ketkeni habarlanǵan bolatyn. "Diapazon" málimetinshe, balany ákesi tańǵy saǵat 9:30 shamasynda úiiniń kireberisinde qaldyryp ketken.
