«Samara-Shymkent» tas jolynda jol-kólik oqiǵasy bolyp, eki adam kóz jumdy, dep habarlaidy "Ult aqparat".
«Samara-Shymkent» tas jolynyń Qalybai aýyly mańynda «Pontiac-Viva» avtokóligi taiyp, jol jieginde turǵan «DAF» júk kóligimen soqtyǵysty. Jol apaty saldarynan «Pontiac» avtokóliginiń 58 jastaǵy júrgizýshisi men 58 jastaǵy jolaýshy oqiǵa ornynda kóz jumdy. Aqtóbe oblystyq PD bastyǵy Atyǵai Arystanovtyń aitýynsha, kóbine júrgizýshi jol erejelerin saqtamaidy.
«Erejeni elemeidi, belgilengen qozǵalys jyldamdyǵynan asyp ketedi. Ara qashyqty saqtamaidy. Munyń bári qaiǵyly oqiǵaǵa ákep soǵady. Jol qatelikterdi keshirmeidi. Jyl basynan beri oblysta 96 jol-kólik oqiǵasy tirkeldi. Onda 12 adam mert bolyp, 135 adam túrli dene jaraqatyn aldy», - dedi Arystanov.
