Aqtóbe oblysynda búgin sport keshenderi men jattyǵý zaly jumys istemeidi. Erteń barlyq bazar jabylady, dep habarlaidy "Ult aqparat".
Aqtóbe oblysynyń sanitariialyq-epidemiologiialyq baqylaý departamenti turǵyndarǵa jańa talapty túsindirdi.
«Bank, HQO men poshta qyzmetine aldyn ala jazylý kerek. Jumys jáne senbi kúnderi jumys kestesi saǵat 09:00-den 18:00-ge deiin belgilenip otyr. Jeksenbi kúni jumys isteýine tyiym salyndy. Saýna jáne monshalar jumys jáne senbi kúnderi ishki tártipke sáikes jumys istep, jeksenbi kúni jabylady. Sulýlyq salondary, shashtaraz, SPA ortalyqtary jáne kosmetologiialyq qyzmet kórsetetin obektilerge aldyn ala jazylýy kerek. Jabyq sport obektileri (sport keshenderi, sport mektepteri, sport klýbtary, jattyǵý zaldary), fitnes ortalyqtary jáne sporttyq-saýyqtyrý ortalyqtaryna aldyn ala jazylýy tiis. Bul ortalyqtar senbi jáne jeksenbi kúnderi jumys istemeidi»,- dep habarlady oblystyq sanitariialyq-epidemiologiialyq baqylaý departamentiniń baspasóz qyzmeti.
Sondai-aq basseinder jumys kúnderi ishki tártipke sáikes qyzmet kórsetse, senbi jáne jeksenbi kúnderi jabylady.
Al jeksenbi kúni SOO, saýda úilerinde, azyq-túlik emes taýarlardyń barlyq túrin satatyn dúkender, azyq-túlik jáne azyq-túlik emes bazarlar, jabyq azyq-túlik jáne azyq-túlik emes bazarlary jabylady.
Aita keteiik, ótken táýlikte óńirde 137 adamnan virýs anyqtaldy. Onyń 99-y derttiń simptomdy túrine shaldyqqan.
