Aqtóbede bir táýlikte 302 adamnan koronavirýs infiktsiiasy anyqtaldy. Bul pandemiia bastalǵaly tirkelgen antirekord bolyp tur, dep habarlaidy QazAqparat tilshisi.
Bir táýlikte 302 adamnyń PTR synamasy oń mán kórsetip, naýqastar dáriger kómegine júgindi. Onyń 244-i derttiń simptomdy túrine shaldyqqan. Kóbi Aqtóbe qalasynda. Barlyq aýdanda da aýyryp, aýrýhanaǵa túskender bar.
«Aýrýshańdyqtyń ósý deńgeii 1,9% qurady. Jalpy oblysta búginge deiin 16 196 adamnyń virýs juqtyrǵany PTR synama arqyly rastalsa, onyń 77,5% jazyldy. Qazirgi tańda úi karantinine 6053 adam alynyp, olarǵa meditsinalyq baqylaý júrgizilýde», - dep habarlady Aqtóbe oblystyq sanitariialyq-epidemiologiialyq baqylaý departamentiniń baspasóz qyzmeti.
