Qazaqstannan asyrap alynǵan AQSh turǵyny Iana Gerati biologiialyq áke-sheshesin izdeýde. Bul jaiynda Iana Facebook-tegi Qazaqstan-Amerika qaýymdastyǵy paraqshasynda jazdy, dep habarlaidy "Ult aqparat".
«Atym - Iana. Biologiialyq áke-sheshemdi, otbasymnyń múshelerin tapqym keledi. Bul top (Kazakh American Association) biologiialyq ata-anamdy tabýǵa kómektesedi dep estigen edim. Meni Qazaqstannan asyrap alǵan. 1992 jyldyń mamyrynda Aqtóbede dúniege kelgenmin. Meni 2001 jyly 10 jasymda amerikalyq ata-ana baýyryna basty. Týǵan otbasymdy tabýǵa bireýler qolushyn berip jatsa, riza bolar edim. Kez kelgen kómek - men úshin óte mańyzdy», - dep jazdy ol.
Iananyń atap ótýinshe, qolynda qujattary bar. Alaida qandai da bir uiymǵa habarlasýǵa qorqady. Sebebi buǵan deiin ony bir márte aldap ketken.
Al AQSh-taǵy asyrap alǵan ata-anasy Ianadan jasóspirim kezinde bas tartqan. Sondyqtan olardan qandai da bir aqparat alý qiyn.
«Meni asyrap alǵanǵa deiingi Qazaqstandaǵy aty-jónim - Granchevich (Granchevitch) Iana Manolevna. Anamnyń aty - Granchevich Marina Pavlovna (1964 jyly 18 qyrkúiekte dúniege kelgen), ákemniń aty - Granchevich Manol Tomovich», - deidi Iana.
Iana Geratidiń áleýmettik jelidegi jeke paraqshasynda Frederiksbýrgte (Virdjiniia) turatyny jáne AQSh armiiasynda qyzmet etetindigi kórsetilgen.
