Aqtóbede sport mektebindegi bala óliminen soń eki tárbielenýshi qamaýǵa alyndy

Foto: Zakon.kz

Eset batyr atyndaǵy olimpiada rezerviniń oblystyq mamandandyrylǵan mektep-internat-kolledjindegi oqýshy qazasynan soń eki tárbielenýshi kúdikke iligip, qamaýǵa alyndy. Úsh qylmystyq is qozǵaldy, dep habarlaidy «Ult aqparat» Aqtóbe oblystyq PD baspasóz qyzmetine silteme jasap.

Eset batyr atyndaǵy olimpiada rezerviniń oblystyq mamandandyrylǵan mektep-internat-kolledjindegi oqýshy óliminiń soń Qylmystyq kodekstiń «buzaqylyq», «densaýlyqqa qasaqana aýyr ziian keltirý» baptary boiynsha is qozǵaldy.

Sonymen birge sport mektebiniń pedagogteri men basshylyǵynyń mindetterine adal qaramaý deregi boiynsha da tergeý júrip jatyr. 

— Qazirgi tańda kúdiktiler retinde osy mekteptiń eki tárbielenýshi tutqyndalyp, ýaqytsha ustaý izoliatoryna qamaýǵa alyndy. Tiisti saraptamalar taǵaiyndaldy. Sotqa deiingi tergep-tekserý jumystary jalǵasyp jatyr, — dedi Aqtóbe oblystyq PD baspasóz qyzmetiniń jetekshisi Erbolat Sarqulov. 

Aita keteiik, 11 sáýir kúni saǵat 21:30–da sport mektebiniń 8-synyp oqýshysy kóz jumdy.