اقتٶبەدە سپورت مەكتەبٸندەگٸ بالا ٶلٸمٸنەن سوڭ ەكٸ تەربيەلەنۋشٸ قاماۋعا الىندى

فوتو: Zakon.kz

ەسەت باتىر اتىنداعى وليمپيادا رەزەرۆٸنٸڭ وبلىستىق مامانداندىرىلعان مەكتەپ-ينتەرنات-كوللەدجٸندەگٸ وقۋشى قازاسىنان سوڭ ەكٸ تەربيەلەنۋشٸ كٷدٸككە ٸلٸگٸپ, قاماۋعا الىندى. ٷش قىلمىستىق ٸس قوزعالدى, دەپ حابارلايدى «ۇلت اقپارات» اقتٶبە وبلىستىق پد باسپاسٶز قىزمەتٸنە سٸلتەمە جاساپ.

ەسەت باتىر اتىنداعى وليمپيادا رەزەرۆٸنٸڭ وبلىستىق مامانداندىرىلعان مەكتەپ-ينتەرنات-كوللەدجٸندەگٸ وقۋشى ٶلٸمٸنٸڭ سوڭ قىلمىستىق كودەكستٸڭ «بۇزاقىلىق», «دەنساۋلىققا قاساقانا اۋىر زييان كەلتٸرۋ» باپتارى بويىنشا ٸس قوزعالدى.

سونىمەن بٸرگە سپورت مەكتەبٸنٸڭ پەداگوگتەرٸ مەن باسشىلىعىنىڭ مٸندەتتەرٸنە ادال قاراماۋ دەرەگٸ بويىنشا دا تەرگەۋ جٷرٸپ جاتىر. 

— قازٸرگٸ تاڭدا كٷدٸكتٸلەر رەتٸندە وسى مەكتەپتٸڭ ەكٸ تەربيەلەنۋشٸ تۇتقىندالىپ, ۋاقىتشا ۇستاۋ يزولياتورىنا قاماۋعا الىندى. تيٸستٸ ساراپتامالار تاعايىندالدى. سوتقا دەيٸنگٸ تەرگەپ-تەكسەرۋ جۇمىستارى جالعاسىپ جاتىر, — دەدٸ اقتٶبە وبلىستىق پد باسپاسٶز قىزمەتٸنٸڭ جەتەكشٸسٸ ەربولات سارقۇلوۆ. 

ايتا كەتەيٸك, 11 سەۋٸر كٷنٸ ساعات 21:30–دا سپورت مەكتەبٸنٸڭ 8-سىنىپ وقۋشىسى كٶز جۇمدى.