Aqtóbede aýdanaralyq ekonomikalyq sottyń sheshiminen soń «Parijskaia kommýna HHI» JShS-niń múlki satylymǵa shyǵaryldy. Qazirgi kezde 800-ge jýyq shoshqa satyldy, dep habarlaidy QazAqparat tilshisi.
Biyl 22 qarasha kúni memlekettik sot oryndaýshysy A.K.Erekenov buǵan deiingi sot sheshimin oryndaý, sóitip «Parijskaia kommýna HHI» JShS-nan memleket kirisine 7 mlrd teńgeden astam qarjy, jergilikti biýdjet kirisine 210 mln teńgeden astam memlekettik bajdy óndirip alý úshin aýdanaralyq ekonomikalyq sotqa ótinish berdi. Alǵa aýdandyq ákimdiginiń habarlaýynsha, seriktestik jumysyn toqtatsa janýarlardyń jappai qyrylýy, Bestamaq aýyldyq okrýgi turǵyndarynyń narazylyq tanytýy múmkin ekeni eskerildi. QR «Atqarýshylyq is júrgizý jáne sot oryndaýshylarynyń mártebesi týraly» Zańynyń 77-babyna sáikes, janýarlar tez buzylatyn múlik retinde tanylyp, komissiia sharty boiynsha satýǵa ruqsat berildi.
«22 jeltoqsan kúni Aqtóbe oblystyq sotynyń azamattyq ister jónindegi sot alqasy otyrysynda boryshkerdiń jeke shaǵymy qaraldy. Ol sot oryndaýshy A.K.Erekenovtyń sot sheshiminiń oryndaý tásili men tártibin ózgertýge ótinish bergen. Aqtóbe oblystyq sotynyń azamattyq ister jónindegi sot alqasy sheshimi boiynsha aýdanaralyq ekonomikalyq sottynyń sheshimi ózgerissiz jáne boryshkerdiń jeke shaǵymy qanaǵattanarlyqsyz qaldyryldy. Sóitip 24 jeltoqsannan bastap sot oryndaýshylary sot sheshimderin oryndaýǵa kiristi. 27 jeltoqsanǵa deiin 792 bas shoshqa satyldy. Bul jumystar jalǵasady», - dep habarlady Alǵa aýdandyq ákimdigi.
