Aqtóbede shoshqa fermasynyń jumysshylaryna bos oryndar usynyldy, dep habarlaidy "Ult aqparat".
Aqtóbedegi shoshqa fermasynyń jumysy ýaqytsha toqtatyldy. Munda kóń shyǵarýǵa bolmaidy, las sýdy tógýge ruqsat joq.
«11 sáýir kúni shoshqa ólimi tirkeldi degen habarlama tústi. 12 sáýir kúni saǵat 8:30-da veterinarlar baryp, kire almady. Sol kúni 16:00-de kirip, material aldy. Synama zerthanaǵa jetkizildi. Ólim sebebi anyqtalady. Munda janýardy joiýǵa arnalǵan oryn bar», - dedi oblystyq veterinariia basqarmasynyń basshysy Keńes Qanadbaev.
Seriktestikte barlyǵy 400-den astam adam jumys isteidi. Tek 152-i kelisimshart negizinde eńbek etedi.
«Aýdandyq jumyspen qamtýdy úilestirý ortalyǵy bos jumys oryndaryn usyndy. Sharýashylyq jumys toqtatsa, jumys usynylady. Al kelisimshartsyz jumys istep júrgen adamdarǵa áleýmettik, qoǵamdyq jumys oryndaryn usynamyz. «Eńbek» baǵdarlamasy aiasynda qaita daiaýrlaýǵa jiberilip, nesie berý, kásip ashý tetigi túsindiriledi. Talap boiynsha jabylatyn kompaniia bir ai buryn habar lama berýi kerek. Seriktestikten eshqandai habar kelmedi», - dedi oblystyq jumyspen qamtýdy úirestirý jáne áleýmettik baǵdarlamalar basqarmasynyń basshysy Bulbul Eleýsinova. Sonymen birge adamdar Aqtóbe-Qandyǵash tasjolyn salý kezinde qurylys jumystaryna da tartylatyn bolady.
