Aqtóbedegi Shalqar kóliniń tabanyn tazartý jumysy biyl bastalady. Jobaǵa aldymen 400 mln teńgeden astam qarjy bólinedi, dep habarlaidy "Ult aqparat" oblys ákiminiń baspasóz qyzmetine silteme jasap.
«Shalqar aýdanynyń turǵyndary Shalqar kóliniń túbin tazartýǵa qatysty suraqty birneshe ret kóterip, burynǵy qalpyna keltirip berýdi suraǵan. Biz bul jumysqa mamandar men sarapshylardy tarttyq. Byltyr jobalyq-smetalyq qujattamany ázirleý jumystary aiaqtalǵan bolatyn. Úkimet atalmysh jobany qoldady, biyl biz sony júzege asyratyn bolamyz. Aýqymdy joba eki jylǵa arnalǵan. Onyń óńir úshin rekreatsialyq jáne sharýashylyq turǵyda mańyzy zor. Osy jobadan úlken ekologiialyq paida tabamyz dep kútip otyrmyz», - dep atap ótti oblys ákimi Ońdasyn Orazalin jiynda.
Qurylys, sáýlet jáne qala qurylysy basqarmasynyń basshysy Naǵymjan Aldiiarov Shalqar kóliniń túbin tazartý jobasyn tanystyrdy. Onyń aitýynsha, kól sýynyń tartylyp, batpaqqa ainalý máselesi ótken ǵasyrdyń sońynda bastaldy.
«Kól aǵyn sýdyń jetispeýinen, sý betinde jáne sý túbinde ósimdiktiń ósip ketýi saldarynan degradatsiiaǵa ushyrap, sý sapasy nasharlady. «Shalqar kóliniń túbin tazartý» jobasynyń tehnikalyq-ekonomikalyq negizdemesi ázirlenip, saraptamadan oń nátije alyndy. Jobanyń jalpy somasy - 3 mlrd teńge. Osy jyly bul maqsatqa respýblikalyq biýdjetten 432,95 mln teńge bólindi. Sondai-aq, salalyq ministrlikke qosymsha qarjy bólý úshin suranys jiberildi», - dedi Naǵymjan Aldiiarov.
Jiyn sońynda Ońdasyn Orazalin memlekettik organdar men merdiger mekemeniń basshylaryna óńir úshin mańyzdy jobanyń sapaly júzege asyrylýy úshin barlyq sharany qabyldaýdy tapsyrdy.
Eske slaa ketsek, taiaýda QR Ekologiia, geologiia jáne tabiǵi resýrstar ministri Maǵzum Myrzaǵaliev Aqtóbe oblysyndaǵy Shalqar kóliniń tabany tazalanatynyn málimdegen edi.
