Aqtóbede politsiia qyzmetkerleri jappai jedel testten ótedi, dep habarlaidy QazAqparat.
Nur - Sultan ýaqytymen saǵat 22:40-taǵy málimet boiynsha Aqtóbede indet juqtyrǵandar sany 55-ke jetti. Bir táýlikte 28 adam tirkeldi.
«Koronavirýs infektsiiasyn juqtyrǵandardyń kóbi syrttan kelgen. Keshe Reseiden avtobýspen stýdentter jetkizilgen bolatyn. Onyń 18-nen virýs anyqtaldy. Ózge óńirdiń adamdary qazir infektsiialyq aýrýhanaǵa jatqyzyldy. Iaǵni, eshkimmen bailanys jasamai, karantinde boldy. Biz shekaralyq aimaqpyz. Óz eline kelgen otandasymyzdy shette qaldyra almaimyz, sondyqtan qabyldaimyz», - dedi oblystyq densaýlyq saqtaý basqarmasynyń basshysy Áset Qaliev jergilikti arnadaǵy tikelei efirde.
Koronavirýs infektsiiasyna qarsy kúres jumystaryna jumyldyrylǵan qyzmetkerlerdiń bárine arnaiy qorǵanys kiimi berilgen.
«Politsiiaǵa 2 myńǵa jýyq jedel test jetkizildi. Bir aptadan beri tekserý júrip jatyr. Aldymen blokposttaǵy quqyq qorǵaýshylar qamtyldy. Provizorlyq, karantindik gospitaldegi qyzmetkerler de baqylaýda. 100-den astamynan synama alynyp, nátijesinde eshkimnen virýs anyqtalmady. Bári de testten ótedi», - dedi oblystyq PD bastyǵynyń birinshi orynbasary Qanat Áliev.
