Aqtóbede politsiia qyzmetkerleri jedel aqparatty teskerip, oblys ortalyǵyna esirtki zatyn tasymaldaǵan Temir aýdanynyń turǵynyn ustady, dep habarlaidy QazAqparat.
Aqtóbe oblystyq politsiia departamenti Esirtki qylmysyna qarsy is-qimyl basqarmasynyń qyzmetkerleri jáne QR IIM UU arnaiy jasaǵynyń sarbazdarymen birge «Qarasora-2021» jedel is-sharasy barysynda 47 jastaǵy er adamdy ustady. Politseiler ustalǵan azamattyń avtokóliginen 3 keliden astam marihýana taýyp, tárkiledi.
«Er adamnyń esirtkige elitken kúiinde ustalǵany saraptama kezinde anyqtaldy. Atalǵan fakti negizinde Qvlmystyq kodekstiń «Esirtki, psihotroptyq zattardy, sol tektesterdi ótkizý maqsatynda zańsyz daiyndaý, qaita óńdeý, iemdený, saqtaý, tasymaldaý, jóneltý ne ótkizý« baby boiynsha tergeý bastaldy. Osy baptyń sanktsiiasy bes jyldan on jylǵa deiingi merzimge bas bostandyǵynan aiyrý kózdelgen. Kúdikti Aqtóbe qalasy politsiia basqarmasynye ýaqytsha ustaý izoliatoryna qamaldy»,- dedi oblystyq PD baspasóz qyzmetiniń jetekshisi Erbolat Sarqulov.
