Aqtóbelik politsei avtoturaqta janyp jatqan kólikke minip, jalyn basqa kólikterge ótip ketpeýi úshin ony qaýipsiz jerge shyǵarǵan. Qyzmetkerdiń jetonyna túsip qalǵan video jariialandy, - dep habarlaidy Tengrinews.kz.
Aqtóbe oblysynyń Politsiia departamenti málimetishe, patrýlder 10 maýsymda ortalyq stadion mańyndaǵy kólik turaǵynda órt shyqqanyn baiqaǵan.
"Ford jol talǵamaityn kóligi órtendi, qatarynda Renault turdy. Patrýl Sabyrjan Qýandyq planshet arqyly kóliktiń iesin tapty. Úi iesinen kóliktiń kiltin alǵan qyzmetker janyp jatqan kólikke otyryp (aldyńǵy dóńgelegi men qaptaly órtendi), ony qaýipsiz jerge apardy", - dedi oblystyq PD ókilderi.
Keiin oqiǵa ornyna kelgen órtsóndirýshiler órtti sóndirgen.
