Aqtóbe oblystyq sanitariialyq-epidemiologiialyq baqylaý departamenti qaýlyny qaita ózgertti. Endi oqýshylardyń basym bóligi onlain formatta bilim alady, dep habarlaidy "Ult aqparat".
Búgin túske deiin Aqtóbe oblystyq sanitariialyq-epidemiologiialyq baqylaý departamentiniń basshysy Nursulý Berkimbaeva «300 oqýshysy bar mektepter dástúrli formatqa kóshedi, al oqýshy sany odan kóp bolsa, aralas format tańdaldy» dep habarlaǵan edi. Keshkisin qaýly qaita ózgerdi.
«Oqýshy sany 300-den aspaityn mektepte oqý dástúrli túrde júrgiziledi. Mundai 246 mektep bar. Bul shalǵaidaǵy aýyl mektepteri. Al oqýshy sany 300-den asatyn 170-ten astam mektepte oqý onlain ótedi. Tek 9 jáne 11 synyp oqýshylary mektepke barady. Olar pánderdiń 70 paiyzyn mektepte oqysa, ózgesi onlain uiymdastyrylady», - dedi oblystyq bilim basqarmasynyń basshysy Joldas Batyrhan.
Erekshe bilim berýge arnalǵan internat, daryndy balalarǵa arnalǵan mektep-internatta dástúrli format saqtalady.
