Aqtóbede mektep direktorynyń aqsha jinaǵanyn, qarjyny shybyn-shirkeiden qorǵaityn tor satyp alýǵa suralǵanyn aityp, aryz túsirgenderdiń isi qaraldy. Direktordyń mindetin atqarýshy jazalandy, dep habarlaidy QazAqparat.
Oblystyq sybailas jemqorlyqqa qarsy is-qimyl departamenti jańa oqý jyly bastalǵaly aldyn-alý jumysyn kúsheitti. Qazirgi kezde oblystaǵy bilim berý mekemelerinde túrli kezdesý ótip jatyr. Basqosý aýdandyq bilim bólimderinde de ótti. Oǵan mektep direktorlary da qatysty. Sonymen birge Aqtóbe qalasynda da kezdesý uiymdastyryldy. Oblystyq sybailas jemqorlyqqa qarsy is-qimyl departamentiniń qyzmetkerleri zańnamalardy túsindirip, jemqorlyqtyń aldyn-alýǵa baqyttalǵan jumys jaiyn baiandady.
«Biyl bilim berý salasyna qatysty 75 qylmystyq is tirkeldi. Kóbi paraqorlyq pen memleket múlkin talan-tarajǵa salýǵa qatysty boldy. 1424 Call ortalyǵyna muǵalimderden jáne ana-anadan zańsyz aqsha jinaýǵa qatysty habarlamalar da túsip jatyr. Kóbi mektep qajettiligi úshin aqsha jinaitynyn aitady. Taiaýda bir aýdandaǵy mektep direktorynyń mindetin atqarýshy muǵalimderden 600 myń teńge aqsha jinap alǵany týraly habarlama tústi. Tekserýden soń aqshanyń bilim berý uiymyna, naqtylasaq, shybyn-shirkeiden qorǵaityn torǵa baǵyttalǵany anyqtaldy. Direktordyń mindetin atqarýshy tártiptik jazaǵa tartyldy», - dep habarlady oblystyq sybailas jemqorlyqqa qarsy is-qimyl departamenti.
