Aqtóbede belgisiz bireý meshittegi seifke urlyqqa túsip, sadaqadan jinalǵan aqshany alyp ketken. Politsiia kúdiktini ustady, dep habarlaidy "Ult aqparat".
Politsiiaǵa Muǵaljar aýdany Aqkemer aýylynyń meshitindegi seiftiń qulpy buzylyp, sadaqadan jinalǵan aqshanyń urlanǵany týraly habarlama tústi. Jergilikti politsiia bóliminiń qyzmetkerleri jedel izdestirý ótkizip, kórshi aýyldyń 34 jastaǵy turǵynyn anyqtap, ustady.
«Atalǵan derek negizinde Qylmystyq kodekstiń «Urlyq» baby boiynsha sotqa deiingi tergeý bastaldy. Osy baptyń sanktsiiasy múlkin tárkilei otyryp, 5 jylǵa deiingi merzimge bas bostandyǵynan aiyrý túrindegi jazany kózdeidi», - dedi oblystyq PD baspasóz qyzmetiniń jetekshisi Erbolat Sarqulov.
