Aqtóbede koronavirýs juqtyrǵan 2 adamnyń jaǵdaiy aýyr. Onyń bireýine ota jasaldy, dep habarlaidy "Ult aqparat".
«Indetke shaldyqqan bir naýqastyń júrek yrǵaǵy kúrt buzylyp, qosymsha em qabyldaýǵa týra keldi. Júregine ota jasalyp, jasandy ritm júrgizildi. Naýqastyń jaǵdaiy turaqty aýyr. Aritmolog, kardioreanimatologtar taǵaiyndaǵan em qosymsha júrgizilip jatyr. Taǵy bir naýqas buryn qant diabeti, tynys alý jetispeýshiligine shaldyqqan. Keshendi em nátijesinde ekeýiniń jaǵdaiy turaqtandy. Taǵy ekeýiniń hali - ortasha aýyr, ózgesiniń densaýlyǵy birqalypty», - dedi oblystyq densaýlyq saqtaý basqarmasynyń basshysy Áset Qaliev.
Aita keteiik, provizorlyq, infektsiialyq, karantindik gospitalde 758 adam oqshaýlanyp, em alyp jatyr.
