Memlekettik komissiianyń shuǵyl shtaby Aqtóbe oblysynda koronavirýs infektsiiasyn juqtyrǵan 7 adam týraly tolyq málimet berdi, dep habarlaidy "Ult aqparat".
Olardyń úsheýi, 42 jastaǵy áiel adam jáne 39, 37 jastaǵy er azamattar — Aqtóbe oblysynyń turǵyndary. Karantindik statsionarǵa jatqyzylǵan. Olardyń bári 22 sáýir kúni «Jaisań» sanitarlyq-karantindik beketi arqyly RF Máskeý qalasynan kelgen.
Atyraý qalasynan avtokólikpen kelgen 36 jastaǵy áiel adam karantindik statsionarǵa jatqyzyldy.
Sondai-aq, 45, 37 jáne 36 jastaǵy er adamdar Orynbor qalasy arqyly Reseiden kelgen. Olar — Túrkistan oblysynyń azamattary.
«Jaisań» sanitarlyq-karantindik beketinde olarmen saýalnama júrgizilip, bailanyssyz termometriia jasaldy.
PTR diagnostikalyq zertteý qorytyndysy COVID-19 diagnozyn naqtylady.
Qazirgi tańda olar oblystyq juqpaly aýrýlar aýrýhanasyna ornalastyryldy. Jaǵdailary qanaǵattanarlyq.
Azamattarmen qarym-qatynasta bolǵan adamdar anyqtalyp, barlyǵy meditsinalyq baqylaýǵa alyndy.
Aýrý oshaqtarynda epidemiologiialyq zertteý, dezinfektsiialyq jumystar júrgizildi.
23 sáýirdegi jaǵdai boiynsha oblysta COVID-19 koronavirýs infektsiiasyn juqtyrǵan 34 adam anyqtaldy.
