Aqtóbe qalasyndaǵy Abai dańǵylynda aqynnyń 45 qara sózi jazylǵan taqta ornatylyp, mýral salyndy, dep habarlaidy "Ult aqparat".
Aqtóbe qalasy Abai dańǵyly boiyndaǵy kópqabatty úidiń qabyrǵasyna aqynnyń sýreti salyndy.
Bul sýretshi Tólegen Darbaevtyń týyndysy. Qajetti qural-jabdyqqa jergilikti kásipkerler qarjy bóldi.
«Abaidyń beinesin salý - úlken jaýapkershilik. Úidiń qabyrǵasynda sýret 10 jyl boiy syry ketpei turatynyna kepildik beremin. Bul sýretke 40 maýsymǵa shydas beretin arnaiy silikon boiaý qoldanyldy», - deidi sýretshi. Tólegen Darbaev buǵan deiin «Batyr jyry» sýretin, Áliia - Mánshúk beinelerin úilerdiń qabyrǵasyna saldy. Osylaisha, ol qalanyń kórkin keltirýge úles qosyp júr.
Aita keteiik, Abai dańǵylynda buǵan deiin 45 qara sóz jazylǵan taqta ornatylyp, shaǵyn kitap qoiyldy. Kishi sáýlet nysanynda bir shýmaq óleń jazylǵan. Bul demeýshilerdiń tartýy boldy. Ári dańǵyldaǵy sýburqaq jóndelip, iske qosyldy.
