Aqtóbede mas júrgizýshi 41 jastaǵy áieldi qaǵyp ketti. Ol 7 jylǵa deiin bas bostandyǵynan aiyrylýy múmkin, - dep habarlaidy Tengrinews.kz agenttigi "Diapazon" basylymyna silteme jasap.
Aqtóbe oblysynyń Politsiia departamenti málimetinshe, oqiǵa 11 maýsymda Qonaev kóshesinde bolǵan. Lada Priora avtokóliginiń 42 jastaǵy júrgizýshisi jol erejesin buzyp, 41 jastaǵy áieldi qaǵyp ketken.
Jábirlenýshi jedel járdem aýrýhanasyna jetkizilip, keiin alǵan jaraqattarynan qaitys bolǵan. Meditsinalyq saraptama qorytyndysyna sáikes, júrgizýshi mas kúide bolǵany anyqtaldy. Ol ýaqytsha ustaý izoliatoryna qamalǵan.
Derekke qatysty Qylmystyq kodekstiń 345-baby 3-bóligi boiynsha sotaldy tergeý amaldary júrgizilip jatyr. Bul bapqa sáikes, júrgizýshi 5 jyldan 7 jylǵa deiin bas bostandyǵynan aiyrylýy múmkin.
