Foto: QR MAM
Aqtóbe oblysynda halyqaralyq «Ádebiet. Rýh. Qoǵam» ádebi baiqaýynyń jeńimpazdaryn marapattaý rásimi ótti. Sharaǵa memleket jáne qoǵam qairatkerleri, sondai-aq Qazaqstan Jazýshylar odaǵynyń basqarma tóraǵasy Mereke Qulkenov bastaǵan belgili qalamgerler men mádeniet ókilderi qatysty, dep habarlaidy Ult.kz.
Alǵash ret 2019 jyly forým retinde bastalǵan bul baiqaý ýaqyt óte kele halyqaralyq deńgeidegi bedeldi ádebi jobaǵa ainaldy. Dástúrli túrde uiymdastyrylatyn doda qazaq ádebietiniń poeziia, proza, dramatýrgiia, satira, balalar ádebieti jáne aýdarma janrlaryndaǵy úzdik shyǵarmalardy anyqtaýǵa baǵyttalǵan.
Biylǵy baiqaý qazaq poeziiasynyń kórnekti ókili Qýandyq Shańǵytbaevtyń 100 jyldyǵy men satirik-jazýshy, ustaz Úmbetbai Ýaidinniń 90 jyldyǵyna arnaldy. Uiymdastyrýshylardyń málimetinshe, baiqaýǵa Qazaqstannyń túrli óńirlerinen jáne shetelderden 140-tan astam shyǵarma kelip túsken.
Nátijesinde 11 nominatsiia boiynsha úzdik qalamgerler anyqtaldy. Atap aitqanda:
-
Saǵi Jienbaev atyndaǵy nominatsiia – Indira Kereeva;
-
Tólegen Aibergenov atyndaǵy nominatsiia – Amanjol Islamǵali;
-
Tahaýi Ahtanov atyndaǵy nominatsiia – Gúljainar Qaldina;
-
Úmbetbai Ýaidin atyndaǵy nominatsiia – Nurlybek Qalaýov;
-
Iztai Mámbetov atyndaǵy nominatsiia – Ernur Seidahmet;
-
Qýandyq Shańǵytbaev atyndaǵy nominatsiia – Túrkiiadan kelgen jas aqyn Fatih Sýltan Iylmaz.
Uiymdastyrýshylar baiqaýdyń basty maqsaty – ádebiettiń damýyna úles qosqan qalamgerlerdiń esimin ulyqtaý jáne jas býyn shyǵarmashylyǵyna qoldaý kórsetý ekenin atap ótti.
