Aqtóbede qarjy piramidasyn qurý jáne basqarý faktisi boiynsha qylmystyq is qozǵaldy. Tergeý júrip jatyr, dep habarlaidy "Ult aqparat" QM Qarjy monitoringi komitetiniń baspasóz qyzmetine silteme jasap.
QR QM Qarjy monitoringi komitetiniń Aqtóbe oblysy boiynsha Ekonomikalyq tergeý departamenti «Q-net» kompaniiasyna qatysty Qylmystyq kodekstiń «Qarjylyq (investitsiialyq) piramidany qurý jáne oǵan basshylyq etý» baby boiynsha tergeý jumysyn bastady. Bul kompaniiaǵa tirkelý úshin saǵat, alqa, saqina jáne ózge de zergerlik buiymdardy, sondai-aq shetelge tegin saiahat pen quny shamamen 2000 dollar bolatyn turmystyq taýarlardy satyp alý qajet. Al paida tabý úshin ózimen birge taǵy 2 adamdy tirkeý mindetteledi.
«Olar da ónimderdi satyp alýy qajet. Bul jaǵdaida Kompaniia aptasyna 1000 dollar kóleminde paida tabýǵa ýáde bergen. «Q-net» kompaniiasy jańa klientterdi tartý maqsatynda áleýmettik jelilerde, internet-resýrstarda belsendi jarnama júrgizdiAdamdardy manipýliatsiialaý jáne olardy aqsha qarajattaryn salýǵa sendirý tásilderin úiretý úshin táýelsiz ókildermen únemi treningter ótkizgen. Osyǵan bailanysty Kompaniianyń klientteri tirkeý jáne aqsha qarajatyn salý úshin bankterden jáne basqa qarjy institýttarynan 2000 AQSh dollary kóleminde nesie rásimdeidi. Qazirgi ýaqytta tergeý amaldary júrgizilip jatyr», - dep habarlady QR QM QMK baspasóz qyzmeti.
