Aqtóbede karantin kezinde toi ótkizgender anyqtaldy, dep habarlaidy "Ult aqparat".
Aqtóbe qalasy Astana jáne Almaty aýdandarynyń ákimdikteri men Aqtóbe qalasynyń politsiia basqarmasy ókilderinen quralǵan monitoring toby jeke jáne zańdy tulǵalardy tekserdi. Monitoring toptary 20-24 naýryz kúnderi aralyǵynda reidke shyqty.
«Oskar», «Dýsha», «Keremet», «Stars», «Bardak», «Green House» karaoke-kalian klýbtarynda jáne «Sky Jump», «Kids park» batýt ortalyqtarynda shekteý sharalaryn buzý faktileri anyqtaldy. Sonymen qatar, qyzmetine shekteý qoiylǵan keibir mekemeler jumysyn jalǵastyrǵan. Al kelýshiler saqtyq sharalaryn saqtamaǵan.
Sondai-aq, «Jan-Saia», «Arman», «Ainaz», «Kerýen Saraiy», «Toihana», «Tamasha», «Altyn Shatyr» jáne «Altyn» meiramhanalarynyń árqaisysynda orta eseppen 100-den astam adam jinalyp, saltanatty is-sharalar ótkizip, karantin rejimin óreskel buzǵany anyqtaldy.
Barlyq material ýákiletti organǵa jiberildi. Reidtik jumystar epidemiologiialyq jaǵdai turaqtalǵanǵa deiin kún saiyn jalǵasatyn bolady», - dep habarlady Aqtóbe qalasy ákim apparatynyń áskeri-jumyldyrý jumysy, azamattyq qorǵanys jáne tótenshe jaǵdailar bóliminiń bas mamany Qairat Esenjolov.
Aqtóbe qalasynyń ákimdigi qala turǵyndaryn betperde taǵý, qoldy jii jýý, antiseptikterdi paidalaný jáne áleýmettik araqashyqtyqty saqtaý talaptaryn saqtaýdy eskertedi.
