Búgin Bilim kúniniń qarsańynda Aqtóbe qalasynda «Nurly jol» memlekettik baǵdarlamasy boiynsha salynǵan eki jańa mektepte alǵashqy qońyraý jasaldy.
«Iasnoe-2» aýylynda 600 orynǵa arnalǵan jalpy bilim beretin mektep-gimnaziiasy ashylyp, oǵan belgili aqyn, Qazaqstannyń halyq jazýshysy Fariza Onanǵarsynovanyń esimi berildi.
Aýmaǵy 10,3 myń sharshy metrdi quraityn úsh qabatty oqý ǵimaraty balalardyń jattyǵýǵa jáne bos ýaqytyna, sondai-aq mádeni jáne sporttyq, bilimge degen qajettilikterin eskere otyryp ázirlengen. Mektep 29 synypqa arnalǵan jáne eki aýysymmen jumys isteidi: birinshi qabatta 210 oryndyq ashana bar, kireberiste týrniketter bar.
Mektepte qajetti jabdyqtarymen sport jáne akt zaldary, informatika, fizika, himiia jáne biologiia kabinetteri, aǵylshyn tili, media-kitaphana jáne 22 myń kitap qory bar kitaphana bar. Arnaiy bilim berý qajettilikteri bar balalar úshin lift pen ustaityny bar pandýstar qoiylǵan. Abattandyrylǵan mektep aýmaǵynda demalý jáne serýendeý alańy, oqýshylarǵa arnalǵan jattyǵý oiyn jáne sport alańdary, júgirý joldary ornalasqan.
Qalalyq Sút zaýyty aýdanynda 600 oryndyq taǵy bir mektep ashyldy. Bul mektep otandyq ǵalym-arheolog, tarihshy Álkei Marǵulannyń esimimen atalady.
Sonymen birge, oqýshylardy jalpy bilim berý mekemelerine qaýipsiz tasymaldaý máselesi jergilikti bilik organdarynyń basymdyqtarynyń biri bolyp tabylady. Osyǵan bailanysty «Baqytty bala» aimaqtyq jobasynyń aiasynda 10 mekteptiń direktorlary jańa Iveco shaǵyn avtobýstarynyń kiltterin aldy. Otandyq óndiristiń yńǵaily avtokóligi oblys ortalyǵynyń shalǵai aýdandarynan balalardy tasymaldaý úshin arnalǵan.
Biylǵy jyly Aqtóbe oblysynda 15 jańa mektep ashylady, onyń 9-y 1 qyrkúiekke deiin alǵashqy oqýshylaryn qabyldaidy.
