Aqtóbede eki jeńil kólik soqtyǵysyp, 4 adam kóz jumdy, dep habarlaidy "Ult aqparat".
Oqiǵa «Qandyaǵash-Embi-Shalqar» tasjolynda boldy. «Lada-Priora» avtokóliginiń 40 jastaǵy júrgizýshisi Embi qalasynan Qandyaǵash qalasyna bara jatyp, aldyńǵy kólikten ozý kezinde qaýipsizdik erejesin saqtamaǵan. Sóitip Izimbet aýyly mańynda qarsy baǵytta kele jatqan «Lada-Priora» avtokóligimen soqtyǵysqan.
«Jol-kólik oqiǵasy saldarynan júrgizýshi men 32 jastaǵy áiel, 14 jastaǵy bala oqiǵa ornynda kóz jumdy. Al 3 jasar qyz Embi qalasynyń ortalyq aýrýhanasyna jatqyzyldy. Olar bir otbasynyń adamdary. Sonymen qatar, basqa kóliktiń júrgizýshisi men 6 jolaýshysy Embi qalasynyń ortalyq aýdandyq aýrýhanasyna jatqyzyldy. Onda 51 jastaǵy jolaýshy esin jimastan kóz jumdy. Jol-kólik oqiǵasyna bailanysty QR QK 345-baby 4-bóligi boiynsha sotqa deiingi tergeý júrgizilip jatyr», - dep habarlaidy oblystyq PD baspasóz qyzmetiniń jetekshisi Erbolat Sarqulov.
