Foto: ashyq derekkóz
29 jastaǵy áielge bas bostandyǵynan aiyrý jazasy taǵaiyndalmady. Onyń psihikalyq aýrýy anyqtalǵandyqtan, májbúrli túrde arnaiy emdeý mekemesine jiberiledi, dep habarlaidy Ult.kz.
Saǵyz aýylynda turatyn kelinshek buǵan deiin de balalaryn óltirýge árekettengen. Osyǵan bailanysty joldasy onyń ata-anasyna habar bergen. Keiin olar qyzyn eki balasymen birge Qandyaǵash qalasyna alyp ketken.
Alaida olar ońasha qalǵan sátte áiel 11 ailyq jáne 3 jastaǵy balalaryn tunshyqtyryp óltirgen. Buǵan deiin ol muǵalim bolyp jumys istegen, sońǵy jyldary bala kútimimen úide otyrǵan.
Aiyptalýshy densaýlyǵyna bailanysty sot otyrysyna qatystyrylmady. Sot-psihiatriialyq saraptama qorytyndysyna sáikes, oǵan sýitsidtik tendentsiialary bar paranoidty shizofreniia diagnozy qoiylǵan.
