Aqtóbede Qarǵaly aýylynyń turǵynyn óltirdi degen kúdikpen er adam ustaldy, dep habarlaidy QazAqparat.
Aqtóbe qalalyq politsiia bólimine qala turǵyny habarlasyp, tamyz aiynda enesiniń úiden shyǵyp, bir aidan beri qaita oralmaǵany týraly aryz jazdy.
Qyrkúiekte politsiiadan kómek suraǵan týǵan-týystary onyń buǵan deiin de ishimdik iship, úiine oralmaitynyn aitqan.
Politsiia adam joǵalǵan soń isti tirkep, izdestirýdi bastady.
Jedel ýákil joǵalǵan áieldiń baratyn jerlerin qarap shyqty. Sol kezde zorlyq-zombylyq belgileri bar áieldiń denesin tapty.
«Politsiia qyzmetkerleri páterdi tekserý kezinde kúdiktiniń jalǵyz turatynyn jáne kórshilerimen aralaspaitynyn anyqtady. Kórshileri kúdiktini jiti tanymaidy. Keiin tergeý kezinde kúdiktiniń bir ai boiy jumysqa barmaǵany da belgili boldy. Ol qylmys jasaǵan soń úiine oralmai, dalada júrgen», - dedi Aqtóbe oblystyq PD bastyǵy Atyǵai Arystanov.
Ustalǵan kúdikti bar kinásin moiyndady. Ol mas kúiinde áieldi uryp-soǵyp, óltirgenin, keiin úiinen ketip qalyp, qaita oralmai, dalada ishimdik iship júrgenin aitqan.
Qylmystyq kodekstiń «Adam óltirý» deregi boiynsha is qozǵalyp, tergeý bastaldy. Ózge málimetter tergeýge bailanysty qupiia saqtalady.
