Foto: wikijp.org
Aqtóbede qaskóilerdiń qolynan aman qalǵan 13 jastaǵy qyzdyń jaǵdaiy aýyr. Bul týraly oblystyq densaýlyq saqtaý basqarmasynyń baspasóz qyzmeti aitty, dep habarlaidy Sputnik Qazaqstan.
"Jasóspirim áli jansaqtaý bóliminde jatyr. Jaǵdaiy óte aýyr. Jasandy tynys aldyrý apparatyna qosylǵan. Bet súiegi synǵan. Qyzdyń moiny bes jerden kesilgen. Moiynnyń bulshyqetteri men tamyryna zaqym kelgen", - dedi oblystyq balalar aýrýhanasynyń bas dárigeri Erbol Japahov.
Eske sala keteiik, jantúrshigerlik oqiǵa 29 naýryzda bolǵan. 35 jastaǵy áiel men onyń 16 jastaǵy ulynyń denesi saǵat 5:30-da Aqtóbedegi páterlerdiń birinen tabyldy. Al 13 jastaǵy qyz aýrýhanaǵa jetkizildi.
Politseilerdiń aitýynsha, marqum anasy men ulynyń denesinde zorlyq-zombylyqtyń belgileri bar. Tergeý júrip jatyr.
