Aqtóbe oblysynda bir aptaǵa jýyq ýaqytta 3 myńnan astam reseilik JSN aldy. Halyqtyq keńsede olarǵa bólek terezeden qyzmet kórsetilip jatyr, dep habarlaidy QazAqparat.
Aqtóbe oblysynda Jaisań jáne Álimbet shekara beketteri jumys istep tur. Qazirgi kezde qalaǵa kelgen reseilikterge memlekettik organ ókilderi men politsiia qyzmetkerleri quqyqtary men kóshi-qon talaptaryn túsindirip jatyr.
«e-Qonaq» qosymshasy arqyly 21-qyrkúiekten bastap 2137 reseilik, habarlma boiynsha 814 azamat tirkeldi. Biz reseiliktermen qatar óńir turǵyndaryna túsindirý jumystaryn júrgizip jatyrmyz. Shetelden kelgen adamdar úsh kún ishinde tirkelýi kerek. Páterin jaldap, úiine qonaq kútken adam kóshi-qon qyzmetine habarlama berýi tiis. Eger habarlama bolmasa, ákimshilik jaýapqa tartylady», - dedi oblystyq Politsiia departamenti kóshi-qon qyzmeti basqarmasynyń bastyǵy Elmira Boltaeva.
Aita keteiik, Halyqtyń keńsede reseilikter qazirgi kezde JSN alyp jatyr. 22-qyrkúiekte 300-den astam, keshe 1300, al búgin 1500-ge jýyq azamat qujat rásimdedi.
«Qazirgi kezde qosymsha qyzmet kórsetý ornyn ashý josparlanyp jatyr. Ol týraly qosymsha habarlama beremiz. Reseilikter JSN-di banktik qyzmet úshin qajet dep otyr. JSN alýǵa esh kedergi joq. Qyzmet kórsetý orny 20:00-ge deiin jumys isteidi. Búginde bir tereze tek solarǵa qyzmet kórsetýge baǵyttaldy», - dedi «Azamattarǵa arnalǵan úkimet» KEAQ AF direktory Darimbet Baiymbetov.
Eske salsaq, Qazaqstandaǵy jeke jáne zańdy tulǵalar shetelden keletin qonaqtaryn qabyldaityny týraly ishki ister organdaryna habarlaýy tiis. Zań buzǵandarǵa aiyppul qarastyrylǵan.
