Aqtóbede 16 jastaǵy qyz ben onyń 19 jastaǵy jigiti qyzdyń anasyn óltirdi degen aiyp taǵylýda, dep habarlaidy Ulysmedia.kz "Diapazon" basylymyna silteme jasap.
Aqtóbe qalasy Almaty aýdanynyń prokýrory Jasulan Dáýlembaevtyń aitýynsha, aiyptalýshylar qylmys jasaǵany týraly tek birneshe kúnnen keiin ǵana aitqan.
Áiel óz úiinde óltirilgen. Qylmystyń sebepteri áli ashylǵan joq.
Belgili bolǵandai, qyz besinshi synyptan bastap "qiyn" jasóspirimderge arnalǵan keshki mektepte oqyp kelgen. Kórshileri qyzy men anasy jii urysyp turatynyn aitqan.
Mamyr aiynyń basynda qyz ben onyń dosy kisi óltirdi degen kúdikpen ýaqytsha ustaý izoliatoryna qamalǵan bolatyn.
