Al veterinarlar qalanyń ár aýdanynda qaptap ketken iesiz ittermen qalai kúresetinderin bilmeidi, sebebi jańa zańǵa bailanysty it aýlaý toqtatylǵan.
"Shoshynǵany sonshalyq balam it degen sózdi estise jylap qoia beredi", - deidi itke talanǵan oqýshynyń anasy Altyngúl Jarylǵapova.
Anasynyń aitýynsha, oqýshy qyz keshkilik sabaqtan jalǵyz qaityp kele jatqanda aldynan bir top it shyǵyp, jan-jaqtan jabylǵan. Abyroi bolǵanda, kórshi jigit terezeden kórip qalyp, balany bir ólimnen qutqaryp qalǵan. Biraq denesiniń saý jeri joq. Túnimen alasuryp uiyqtai almaityn kórinedi.
"Ań siiaqty, qasqyr siiaqty talap tastaǵan. Tistep alyp, ketip qalsa eken. Olar degen kádimgidei talaǵan, dym joq balanyń ústinen. Tek betin japqan búitip, beti, moiyny qalǵan, sonyń ózinde basynyń terisin kádimgidei julyp alǵan. Taǵy 3-4 minýt talaǵanda keńirdegin julyp óltiretin edi", - deidi anasy.
Dárigerler qyzdyń basyn úsh jerden, aiaǵyn 21 jerden tikkenin aitady.
"Aýrýhanaǵa túsken kezde jaraqatyna bailanysty jaǵdaiy aýyr boldy. Qazir jaǵdaiy qalypty. Biraq, itten qorqyp qalǵan. Búgin psiholog kelip keńes beredi", - deidi dárigerler.
Illiýstratsiialyq foto: infovoronezh.ru
