Aqtóbede uialy telefony jarylyp, kúiik alǵan qyz aýrýhanaǵa jetkizildi, - dep habarlaidy kaz.tengrinews.kz tilshisi.
Oqiǵa 18 jeltoqsanda bolǵan. Aýrýhananyń bas dárigeri Rahymjan Arystannyń aitýynsha, zardap shekken qyz 1988 jylǵy. "Naýqastyń aitýynsha, telefon qýat alyp turǵan kezinde jarylǵan. Ol telefonyn janyna qoiyp, uiyqtap qalǵan. Onyń betin, qolyn jáne jambasy jáne keýdesin kúiik shalǵan. Onyń jaǵdaiy orta deńgeide dep baǵalanyp otyr", - dedi bas dáriger.
Ol telefon markasynyń qandai ekenin bilmeitinin aitty. Naýqastyń aýrýhanada qansha ýaqyt jatatyny da belgisiz. "Mundaidy boljai almaimyn. Saýǵyp ketpeiinshe, aýrýhanada bolady. Densaýlyǵy qalai bolatynyn bilmeimin. Qajetti em alyp jatyr", - dedi bas dáriger.
Eske salaiyq, osyǵan deiin Qazaqstanda tuńǵysh ret iPhone smartfonynyń jarylǵany habarlanǵan bolatyn.
