Foto: © Onlain-izdanie "Aktobe Taims"
Aqtóbe oblysynyń ákimi bolyp Ashat Shaharov taǵaiyndaldy, - dep habarlaidy "Ult aqparat".
"Memleket basshysynyń Jarlyǵymen Ashat Berleshuly Shaharov Aqtóbe oblysynyń ákimi laýazymyna taǵaiyndaldy", - delingen Aqorda habarlamasynda.
Ashat Shaharov 1978 jyly 3 qazanda Orynbor oblysynda týǵan.
1999 jyly Qazaq memlekettik týrizm jáne sport akademiiasyn dene shynyqtyrý pániniń oqytýshysy - sport boiynsha jattyqtyrýshy, 2002 jyly T.Rysqulov atyndaǵy Qazaq ekonomikalyq ýniversitetin halyqaralyq ekonomist mamandyǵy boiynsha aiaqtaǵan. Al 2013 jyly RF prezidenti janyndaǵy Resei Memlekettik qyzmet jáne halyq sharýashylyǵy akademiiasyn támamdaǵan.
Ol - ekonomika ǵylymdarynyń kandidaty. Sambodan úsh márte álem chempiony, eki dúrkin álem kýbogynyń iegeri, dziýdodan dúniejúzilik birinshiliktiń qola júldegeri, QR eńbek sińirgen sport sheberi.
Ár jyldary Aqtóbe oblysynda oqytýshy bolyp jumys istegen.
2013-2017 jyldary BQO Qaratóbe aýdanynyń ákimi;
2017-2020 jyldary BQO Zelenov aýdanynyń ákimi;
2020-2022 jyldary Aqtóbe qalasynyń ákimi boldy.
2022 jylǵy qarashadan beri Prezident Ákimshiliginiń memlekettik inspektory qyzmetin atqardy.
Aita keteiik, bul rette Memleket basshysynyń Jarlyǵymen Eraly Luqpanuly Toǵjanov Aqtóbe oblysynyń ákimi laýazymynan bosatyldy.
