Aqtóbe oblysynyń Oiyl aýdany «qyzyl» aimaqqa kirdi, dep habarlaidy "Ult aqparat".
Aqtóbe oblysyndaǵy Oiyl aýdany 17 naýryz kúni karantin sharasyn kúsheitti. Arada bir aptadan astam ýaqyt ótkende aýdan «qyzyl» aimaqqa ótti.
«Búginnen bastap sýpermarketterdiń jumysy saǵat 8:00-den 20:00-ge deiin shekteldi. Bazarlar jumys kúnderi ishki tártip boiynsha qyzmet kórsetedi. Meditsinalyq ortalyqtar, kabinet, stomatologiiaǵa aldyn ala jazylyp barý kerek. Bank, halyqqa qyzmet kórsetý ortalyǵy, poshtanyń jumys ýaqyty saǵat 09:00-den 18:00-ge deiin shekteldi. Mektepke deiingi mekemelerdegi kezekshi toptarda bala sany 15-ten aspaýy qajet. Dini obektilerde ujymdyq is-sharalar ótkizýge bolmaidy. Qoǵamdyq tamaqtaný oryndarynda adam sany 30-dan aspaýy tiis. Munda saǵat 09.00-den 20.00-ge deiin jumys isteýge ruqsat berilgen. Bul rette ujymdyq, saltanatty, otbasylyq, estelik jáne basqa da buqaralyq is-sharalardy ótkizýge qatań tyiym salynady», - dep habarlady oblystyq sanitariialyq-epidemiologiialyq baqylaý departamentiniń baspasóz qyzmeti.
Jalpy aýdany 2 myń sharshy metrden aspaityn azyq-túlik satpaityn dúkender, saýna, bassein, jabyq bazarlar, sport keshenderi, sporttyq- saýyqtyrý ortalyqtary, fitnes ortalyqtary, saýda úileri, saýda jelileri senbi, jeksenbi kúnderi jumys istemeidi.
«Oiyl aýdanyna baratyn jáne aýdannan shyǵatyn barlyq adamǵa mindetti túrde termometriia jáne saýalnama júrgiziledi. Sanitariia beketteri uiymdastyrylady. COVID-19 belgisi bar barlyq adamǵa zerthanalyq tekserý júrgizilip, karantindik statsionarda 2 táýlikke oqshaýlanady» dep habarlady baspasóz qyzmeti.
