QR Ekologiia, geologiia jáne tabiǵi resýrstar ministrligi Aqtóbe oblysynyń Qobda aýdanyndaǵy toǵanda balyqtardyń qyrylýyna qatysty túsinikteme berdi, dep habarlaidy "Ult aqparat" vedostvonyń baspasóz qyzmetine silteme jasap.
12 sáýirde QR Ekologiia, geologiia jáne tabiǵi resýrstar ministrligi Balyq sharýashylyǵy komitetiniń «Tobyl-Torǵai oblysaralyq basseindik balyq sharýashylyǵy» inspektsiiasyna Aqtóbe oblysynyń Qobda aýdany Jarsai aýylynyń Kýzmin toǵanyndaǵy balyqtardyń qyrylǵany týraly habarlama tústi.
«Sol kúni ózara is-qimyl shemasyna sáikes, inspektsiia mamandary Veterinariialyq baqylaý jáne qadaǵalaý komitetiniń Aqtóbe oblystyq aýmaqtyq inspektsiiasy jáne Aqtóbe oblysynyń Tabiǵi resýrstar basqarmasymen birlesip osy sý aidynyna tekserý júrgizdi. 4 tonna óli móńke balyǵy jinalǵan. Ol balyqtar joiyldy», delingen habarlamada.
Sonymen qatar, zerthana zertteýin júrgizýge toǵan sýy men balyqtan synama alyndy.
«Qazirgi boljam boiynsha balyqtardyń qyrylýyna sý deńgeiiniń jetkiliksizdiginen (1,0-1,5 m) qysta sýda otteginiń bolmaýy sebep bolýy múmkin. Balyqtyń qyrylýynyń naqty sebebin tiisti zerthanalyq zertteý júrgizilgennen keiin qosymsha habarlanady», delingen habarlamada.
Aita keterligi, Kýzmin toǵany Qobda aýdanynyń Jarsai aýyldyq okrýginde ornalasqan. Toǵannyń aýdany 3 gektar. Ol balyq sharýashylyǵy sý aidyndarynyń tizimine enbegen. Toǵan mal sýarý úshin salynǵan. Sý qoimasynyń janynda óndiristik obekti joq.
