Samara-Shymkent tasjolynda jeńil kólik aýdarylyp, jeti adam aýrýhanaǵa tústi. Bir jolaýshy kóz jumdy, dep habarlaidy "Ult aqparat".
Oqiǵa saǵat 07:30-da boldy. Samara-Shymkent tasjolynyń 1053 shaqyrymynda, iaǵni, Yrǵyz aýdanynyń Qalybai aýyly mańynda «Toiota Alfard» kóliginiń júrgizýshisi rólge ie bola almai qalǵan. Saldarynan kólik aýdarylyp, oqiǵa ornynda bir jolaýshy kóz jumdy. Taǵy alty jolaýshy men júrgizýshi Yrǵyz aýdandyq aýrýhanasyna jetkizildi. Bári - Qyrǵyzstan azamaty.
«Qazir jol-kólik apaty kezinde zardap shekken azamattar aýrýhanaǵa jetkizildi. Tergeý bastaldy. Oblystyq politsiia departamenti shetel azamattaryna jol erejesin saqtaýdy eskertedi. Sebebi iri halyqaralyq tasjolda jii jol apaty tirkeldi. Máselen, 26 tamyzta Samara-Shymkent tasjolynda «Lada-21703» kóligi júk mashinasymen soqtyǵysyp qaldy. Nátijesinde jeńil kóliktiń 22 jastaǵy júrgizýshisi aýrýhanada kóz jumdy», - dedi oblystyq PD baspasóz qyzmetiniń jetekshisi Erbolat Sarqulov.
Aita keteiik, Qyrǵyzstan kóligi aýdarylyp qalǵan Qalybai aýyly mańynda ótken jyly 52 Ózbekstan azamaty janyp ketken bolatyn.
