Foto: Úkimet
Aqtóbe oblysynyń Marjanbulaq aýylynda jańa dárigerlik ambýlatoriianyń qurylysy aiaqtaldy, dep habarlaidy Ult.kz.
Áleýmettik nysan Memleket basshysy Qasym-Jomart Toqaevtyń aýyldyq infraqurylymdy damytý jónindegi tapsyrmasyn oryndaý aiasynda salyndy.
Jańa ambýlatoriia aýysymyna 45 kelýshige eseptelgen jáne barlyq qajetti zamanaýi qural-jabdyqtarmen qamtamasyz etilgen. Ǵimaratta patsientterdi qabyldaýǵa arnalǵan kabinetter, emdeý jáne qaraý bólmeleri qarastyrylǵan, bul turǵyndarǵa sapaly alǵashqy meditsinalyq-sanitariialyq kómek kórsetýge múmkindik beredi.
Nysannyń qurylysyna Arnaýly memlekettik qordan shamamen 190 mln teńge bólindi. Jumys Prezident bastamashylyq etken «Aýylda densaýlyq saqtaýdy jańǵyrtý» ulttyq jobasyn júzege asyrý sheńberinde júrgizildi.
Aqtóbe oblysynda qaitarylǵan aktivter qarajaty esebinen jáne Arnaýly memlekettik qor qarjysynan aýyldyq densaýlyq saqtaý salasynda barlyǵy 11 joba júzege asyrylýda. Búgingi tańda tórt nysan paidalanýǵa berildi, jeteýiniń qurylysy jalǵasýda.
