Aqtóbe oblysynda er adam 25 metr biiktiktegi munaraǵa shyǵyp, ózine qol salamyn dep qorqytqan. Ol ákimmen kezdesýdi talap etken kórinedi, dep habarlady Sputnik Qazaqstan agenttigi "Moi gorod" portalyna silteme jasap.
Aqtóbe oblysynyń tótenshe jaǵdailar departamentiniń málimetinshe, oqiǵa Qaratoǵai aýylynda boldy. Birinshi maýsym kúni saǵat 14:30-da Mártók aýdanynyń órt sóndirý bóliminiń pýltine er adamnyń bailanys jelisiniń munarasyna kóterilip, ózin-ózi óltiremin dep qorqytqany týraly habarlama kelip tústi.
Oqiǵa ornyna aýdandyq tótenshe jaǵdailar bóliminiń qyzmetkerleri, aimaq qutqarýshylary, dárigerler men politseiler shyqty. Kelgennen keiin Qaratoǵai aýylynyń turǵyny bailanys jelisi munarasynyń ortalyq bóliginde 25 metr biiktikte turǵany jáne ózin-ózi óltiremin dep qorqytqany belgili boldy.
Vedomstvo málimetinshe, er adam ákesimen, jubaiymen, qyzymen jáne qyzmetkerlermen bailanys ornatýdan bas tartty. Tek aýdan ákimi Rýslan Baisaǵazovpen sóilesýge kelisetinin jetkizgen.
"Aýdan ákimi óz ómirin qaterge tigip, jalǵyz ózi biiktikke kóterildi. Qutqarýshylardyń er adamdy biiktikten túsirip alýy úshin onyń nazaryn aýdardy. Saǵat 17: 17-de qutqarýshylar er adamǵa jaqyndap, ony konstrýktsiiaǵa kisenmen bekitti. Sodan keiin alpinistik jabdyqtyń kómegimen ony munaradan túsirip, ýchaskelik inspektorǵa tapsyrdy", – delingen habarlamada.
