27 qarasha kúni QR Ulttyq qaýipsizdik komiteti Shekara qyzmeti Aqtóbe oblysy boiynsha departamentiniń jasaǵy elikti zańsyz atýmen ainalysqan bir top adamdy ustady, dep habarlaidy QazAqparat.
Anyqtalǵandai, 24 qarashada QR azamaty T. óziniń dostary – Aqtóbe qalasynyń turǵyndaryn ań aýlaýǵa shaqyrǵan. Atalǵan adamdar toby 3 avtokólikpen 6 dana elikti atqan.
«Jambyl» shekara bólimshesiniń ýchaskesinde ustalǵan kólikti tekserý kezinde elik ushasy men 8 qarý tabylǵan.
«Ustalǵandar is júrgizý sharalaryn qabyldaý úshin Áiteke bi aýdandyq politsiia bólimshesine tapsyryldy. Qazaqstanda 18-20 myń elik bar, olardy aýlaý tek litsenziia boiynsha júrgiziledi. Analyqtar ádette 9 aida óte ádemi, terisinde daqtary bar eki tóldi ómirge ákeledi. Olardyń ómir súrý uzaqtyǵy 12 jylǵa deiin ǵana», - delingen QR UQK aqparatynda.
