Foto: Pixabay
Aqtóbe oblysynda balaǵa naizaǵai tústi. Jazataiym oqiǵa 20 mamyrda boldy, - dep habarlaidy Tengrinews.kz tilshisi "Moi gorod" saityna silteme jasap.
Oblystyq TJD baspasóz qyzmeti Belogorka aýylyndaǵy úilerdiń biriniń mańynda eki adamǵa naizaǵai túskenin habarlady. 2007 jylǵy bala naizaǵai saldarynan oqiǵa ornynda qaza tapty, 27 jastaǵy er adam Aqtóbedegi jedel meditsinalyq járdem aýrýhanasyna jetkizildi. Belogorka Aqtóbeniń mańynda, Samara-Shymkent tasjolyna jaqyn jerde ornalasqan.
Qutqarýshylar naizaǵai kezinde turǵyndardan biik aǵashtar men elektr jelilerinen alys bolýdy, sý aidyndarynda shomylmaýdy, uzyn metall zattardy - qarmaq, qolshatyr jáne basqalardy ustamaýdy, sondai-aq metall qurylystarǵa qol tigizbeýdi, telefon arqyly qońyraý shalmaýdy suraidy.
"Qurylǵy qoldanylmai, jai qosýly bolsa da naizaǵai túsýi múmkin. Naizaǵai kezinde metall zergerlik buiymdardy sheship tastaǵan durys", - dep eskertti TJD ókilderi.
Óńirde búgin de eskertý jariialandy. Soltústik-batysta jáne soltústik-shyǵysta qatty jańbyr jaýady, oblystyń batysynda, soltústiginde jáne ortalyǵynda naizaǵai men burshaq bolady.
