Aqtóbe oblysynda kisi óltirdi dep aiyp taǵylǵan kúdikti aýrýhanadan qashyp ketti. Ol bir kúnnen soń ustaldy, dep habarlaidy QazAqparat.
Aqtóbe oblysy boiynsha Qylmystyq atqarý júiesi departamentiniń baspasóz qyzmetiniń habarlaýynsha, oqiǵa 23 qańtar kúni boldy. Jedel meditsinalyq járdem aýrýhanasynyń hirýrgiialyq bólimshesinde emdelip jatqan A. jeksenbi kúni tańerteń qamaýdan qashyp ketti. Birden izdeý júrgizildi.
«Atalǵan fakti boiynsha oblystyq politsiia departamenti sotqa deiingi tergeýdi bastady (QR QK «Bas bostandyǵynan aiyrý oryndarynan, qamaqtan nemese kúzetten qashý» baby boiynsha). Oqiǵanyń sebepteri men mán-jailaryn anyqtaý úshin QR IIM Qylmystyq-atqarý júiesi komiteti qyzmettik tekserý júrgizip jatyr. Tekserý nátijeleri boiynsha qoldanystaǵy zańnamaǵa sáikes sharalar qabyldanady», - dep habarlady Aqtóbe oblysy boiynsha QAJ departamentiniń baspasóz qyzmeti.
Al búgin oblystyq PD baspasóz qyzmeti kúdiktiniń ustalǵanyn rastady.
