Búgin Nur-Sultan qalalyq qylmystyq ister jónindegi mamandandyrylǵan aýdanaralyq soty Rýslan Mamýnovqa qatysty aiyptaý úkimin shyǵardy, dep habarlaidy "Ult aqparat".
Nur-Sultan qalalyq sotynyń málimetinshe, R.Mamýnov tanysynyń týysy – Qostanai qalasynyń burynǵy ákimi jemqorlyq qylmysy úshin sottalǵanyn bile tura, olardyń aqshalaryn aldap, iemdengen. Ol sot júiesindegi tanystarynyń bar ekendigin aityp, jazany jeńildetýge jáne tárkilengen múlikterdi qaitarýǵa kómektesetindigine ýáde bergen. Sol úshin ol 1,2 mln dollar qarajatyn alyp, oǵan páterler men avtomobil satyl alǵan.
R.Mamýnovtyń kinási kýágerlerdiń kýáligimen jáne olardyń áńgimelesý kezindegi aýdio jazbasy arqyly saraptama qorytyndysy arqyly dáleldengen. Osyǵan orai R.Mamýnov QR QK kodeksiniń birneshe babymen kináli dep tanylǵan.
«Sot úkimimen Mamýnovqa qylmystyq-atqarý júiesiniń ortasha qaýipsiz mekemesinde jazasyn óteýge 12 jylǵa bas bostandyǵynan aiyryldy. Sonymen qatar ol ómir boiy memlekettik qyzmette laýazym atqara almaidy. Urlanǵan aqsha satyp alynǵan eki kólik pen 2 bólmeli páter tárkilendi. Úkim zańdy kúshine engen joq», - dedi qalalyq sottan.
