Áliia Moldaǵulova atyndaǵy Aqtóbe halyqaralyq áýejaiynda qazir 1 100 tonna aviaotyn bar. Onyń 100 tonnasy áýejai ákimshiligine tiesili, dep habarlaidy QazAqparat.
SCAT áýekompaniiasynyń málimdemesinen soń Áliia Moldaǵulova atyndaǵy Aqtóbe halyqaralyq áýejaiy aviaotyn týraly málimet berdi.
«Qazir qorda 1 100 tonna aviaotyn bar. Onyń 100 tonnasy áýejai ákimshiligine tiesili. Birer kúnde áýejaiǵa taǵy 180 tonna aviaotyn jetkiziledi. SCAT áýekompaniiasynan ózgeleri reisti úzdiksiz júrgize alady. SCAT áýekompaniiasynyń málimdemesi ras. Olardyń ózderiniń aviaotyny qazan aiynyń ortasynda bitti. Bitip qalǵan soń olar kommertsiialyq baǵada satyp alýǵa májbúr. Bul qarapaiym adamdarǵa, qyzmetti paidalanatyn turǵyndardyń qaltasyne salmaq túsiredi. Bilet quny ósýi múmkin. Aita keteiin, bul kompaniia aiyna shamamen 1 myń tonna otyn paidalanady», - dedi Áliia Moldaǵulova atyndaǵy Aqtóbe halyqaralyq áýejaiy basqarma tóraǵasynyń orynbasary Qalamqas Óteǵalieva.
Onyń aitýynsha, SCAT áýekompaniiasy qazir Aqtóbe áýejaiynyń aviaotynyn paidalanyp otyr.
Aita keteiik, SCAT áýekompaniiasy kúnine eki ret Almatyǵa, bir reis Aqtaý, Atyraý, Nur-Sultan qalalaryna jasaidy.
