Foto: Moi GOROD
Aqtóbe-Astrahan tasjolynda júk kóligi men jeńil kólik soqtyǵysyp, saldarynan áiel adam men onyń úsh jasar balasy qaza boldy, - dep habarlaidy Tengrinews.kz agenttigi "Moi GOROD" saityna silteme jasap.
Basylym málimetinshe, jol-kólik oqiǵasy Aqtóbe-Astrahan tasjolynyń 248-shaqyrymynda bolǵan. 20 mamyrǵa qaraǵan túni Baiǵanin aýdanynyń 40 jastaǵy turǵyny otbasymen Renault Duster markaly kóligimen kele jatyp jol shetinde turǵan IVEKO júk kóligine soqtyǵysqan. Saldarynan 41 jastaǵy áiel men úsh jasar qyz oqiǵa ornynda qaza tapty.
"Er adam men 2005 jyly týǵan uly Baiǵanin aýdanyndaǵy ortalyq aýrýhananyń jansaqtaý bólimine jetkizildi", - dedi Aqtóbe oblysy PD baspasóz qyzmeti ókilderi.
