- 2016 jyly sheneýnikter daǵdaryspen, sybailas jemqorlyqpen jáne qala ákimine deiin maýjyratatyn qalyń uiqymen kúresti, dep jazady «Diapazon» gazeti.
Iliias Ispanov óz ákimdik qyzmetin óte belsendi bastady. Kamera aldynda ziltemir kóterip, Aqtóbe aýyr atletikasynyń bolashaǵy bar ekenin kórsetti. Bir minýttyq rolikpen Aqtóbe qalasyn súiýge shaqyrdy. Biraq, ótken aida jelide paida bolǵan videoda jinalysta otyrǵan Aqtóbe qalasynyń ákimi Iliias Ispanov qalǵyp-múlgip, uiqysyn jeńýge tyrysady. Sol sebepti, mundai kreativti oilar ákimdi qatty sharshatady dep baǵamdaýǵa bolady.
Osy oqiǵadan keiin qala basshysy jinalystarda barynsha muqiiat bolyp, sergektik tanytýy tiis edi. Alaida, jeltoqsan aiynda máslihat sessiiasynda ákimdi taǵy da uiqy qysty.
Ádildik úshin Aqtóbeniń ózge de iri sheneýnikteriniń el aldynda uiyqtap qalǵanyn atap ótken jón. Máselen, I.Ispanovtyń birinshi orynbasary Jandos Baiyrhanovty aitsa bolady.
Uiqymen kúres taqyrybyn jalǵastyra kele, jinalystardyń birinde sheneýnikterdiń uiqy ashýdyń erekshe tásilin oilap tapqanyn atap óteiik. Berdibek Saparbaev sóz sóileý kezinde halyq qyzmetshileri qymbat markaly smartfondarynan bas almai, instagram jelisindegi túrli sýretterdi paraqtap otyrdy.
