«Aqtaý Riksos» qonaqúiiniń sanitarlyq normalary tekserildi, dep habarlaidy "Ult aqparat" Mańǵystaý oblysy ákiminiń baspasóz qyzmetine silteme jasap.
«Qalalyq sanitarlyq qyzmet mamandary, ákimdik jáne BAQ ókilderinen quralǵan mobildi top «Aqtaý Riksos» kýrort aimaǵynyń sanitarlyq normasyn tekserdi. Josparly tekserýge qonaq úiiniń aýmaǵyndaǵy meiramhana, qoǵamdyq tamaqtaný oryndary, sondai-aq bassein men oǵan irgeles aýmaqtar kirdi. Jumys barysynda «Aqtaý Riksos» qyzmetkerlerine saqtyq sharalaryn ustaný boiynsha túsindirý jumysy júrgizildi», delingen habarlamada.
Baspasóz qyzmetiniń málimetinshe, kýrort ókilderi sanitarlyq normalardy saqtap kelgen.
«Bizde tekserý qonaqtar áýejaiǵa kelgen sátten bastalady. «Resepshn desk» jumys isteidi. Mamandar kelgen qonaqtardyń dene qyzýyn sensor termometrmen tekseredi. Sodan keiin qonaqúi kóligine otyrǵyzyp, jetkizedi. Biz birden maska, sanitaizer taratamyz. Árine, qashyqtyq saqtalady. Qonaq úige kire beriste qonaqtardyń dene qyzýy qaita ólshenedi. Ári qarai, bagaj dezinfektsiialanyp, sodan keiin ǵana bólmege jiberiledi. Bólmelerge únemi dezinfektsiia jasalady. Meiramhana men barda barlyq norma qatań saqtalady. Bizdiń qonaq úide arnaiy sanitarlyq dáriger bar. Qonaqta syrqattyń belgisi paida bolǵan kezde biz jedel járdem shaqyramyz. Biz barlyq sanitarlyq talaptardy qatań saqtaimyz jáne qonaqtarymyzdyń qaýipsizdigin qadaǵalaimyz«, - dedi qonaqúi menedjeri Serik Isaǵaliev.
Ákimdik, sanitarlyq qyzmet ókilderi, politsiia jáne baspasóz qyzmetkerleri bar mobildi top «Riksos« qonaq úiine karantin rejimi men dezinfektsiialyq rejimniń saqtalýyna reid júrgizdi.
«Qonaqúi basshylyǵyna sanitarlyq talaptardy saqtaý, sondai-aq baqylaý men qadaǵalaýdy júzege asyrý kezinde sýbektiniń quqyqtary men mindetteri týraly túsinikteme berildi», - dedi Aqtaý qalasy taýarlar men qyzmetterdiń sapasy men qaýipsizdigin baqylaý basqarmasynyń basshysy Ásima Jarylǵasova.
