«Aqtaý-Jańaózen» tas jolynyń 60-shaqyrymynda jolaýshylar mingen Gazel kóligi Ravon Nexia jeńil avtomobilimen soqtyǵysyp, 12 adam zardap shekti, dep habarlaidy "Ult aqparat".
Jolaýshylardyń 3-eýi - travmotolgiia, bireýi - jansaqtaý bóliminde jatyr.
«12 adam oblystyq aýrýhanaǵa jetkizildi. Kezekshi dárigerler men hirýrgtar, travmotologtar dereý olardy qarap shyqty. 8 adam ambýlatoriialyq emdeýge jiberildi. Bir jolaýshy aýyr halde jansaqtaý bóliminde jatyr. Ol basynan soqqy alǵan. Keýde tusynan jaraqattanǵan»,-deidi MO hirýrgiia bóliminiń jetekshisi Saǵat Bitimov.
Al, jeńil kóliktegi 4 adam din aman. MO Politsiia departamenti baspasóz qyzmetiniń habarlaýynsha, jol apaty jeńil kólik júrgizýshisiniń jyldamdyqty arttyrýynan bolǵan.
«Ravon Nexia kóliginiń júrgizýshisine QR Ákimshilik quqyq buzý kodeksiniń 610-baby boiynsha hattama toltyryldy» delingen habarlamada.
