«اقتاۋ-جاڭاٶزەن» تاس جولىنىڭ 60-شاقىرىمىندا جولاۋشىلار مٸنگەن گازەل كٶلٸگٸ Ravon Nexia جەڭٸل اۆتوموبيلٸمەن سوقتىعىسىپ, 12 ادام زارداپ شەكتٸ, دەپ حابارلايدى "ۇلت اقپارات".
جولاۋشىلاردىڭ 3-ەۋٸ - تراۆموتولگييا, بٸرەۋٸ - جانساقتاۋ بٶلٸمٸندە جاتىر.
«12 ادام وبلىستىق اۋرۋحاناعا جەتكٸزٸلدٸ. كەزەكشٸ دەرٸگەرلەر مەن حيرۋرگتار, تراۆموتولوگتار دەرەۋ ولاردى قاراپ شىقتى. 8 ادام امبۋلاتورييالىق ەمدەۋگە جٸبەرٸلدٸ. بٸر جولاۋشى اۋىر حالدە جانساقتاۋ بٶلٸمٸندە جاتىر. ول باسىنان سوققى العان. كەۋدە تۇسىنان جاراقاتتانعان»,-دەيدٸ مو حيرۋرگييا بٶلٸمٸنٸڭ جەتەكشٸسٸ ساعات بٸتٸموۆ.
ال, جەڭٸل كٶلٸكتەگٸ 4 ادام دٸن امان. مو پوليتسييا دەپارتامەنتٸ باسپاسٶز قىزمەتٸنٸڭ حابارلاۋىنشا, جول اپاتى جەڭٸل كٶلٸك جٷرگٸزۋشٸسٸنٸڭ جىلدامدىقتى ارتتىرۋىنان بولعان.
«Ravon Nexia كٶلٸگٸنٸڭ جٷرگٸزۋشٸسٸنە قر ەكٸمشٸلٸك قۇقىق بۇزۋ كودەكسٸنٸڭ 610-بابى بويىنشا حاتتاما تولتىرىلدى» دەلٸنگەن حابارلامادا.
