Karantindik shekteýlerge qaramastan Aqtaýdaǵy eki meiramhanada jas jubailardyń úilený toiyn ótkizgeni anyqtaldy. Tyǵylyp toi ótkizgenderdiń videosyn Mihail Kozachkovtyń Telegram kanalyndaǵy paraqshada jariialandy.
Avtor «Mańǵystaý oblysy Energetika turǵyn úi kommýnaldyq sharýashylyq basqarmasynyń bas mamany Janbolat Jaqypov toi toilap jatyr. Kúieýjigit Mańǵystaýdaǵy iri munai-gaz komnaniiasynyń burynǵy basshysynyń uly», - dep kórsetken.
Sondai-aq, jýrnalist óziniń paraqshasynda ekinshi toidyń da videosyn jariialady. Onda tanymal Instagram blogeriniń toidan salǵan videolary kórsetilgen.
Karantindik shekteýleri buzyp, dúrkiretip toi toilaǵandardyń videosyna qatysty Taýarlar men kórsetilgen qyzmetterdiń sapasy men qaýipsizdigin baqylaý komitetiniń resmi ókili Erjan Baitana pikir bildirdi. Ol karantin talaptaryn buzǵandarǵa qatysty Aqtaý politsiiasymen birge jospardan tys tergeý bastalǵanyn málim etti.
«Tekserý qorytyndysy boiynsha Qazaqstan Respýblikasynyń jáne Mańǵystaý oblysynyń bas memlekettik sanitariialyq dárigerleri qaýlylarynyń talaptaryn buzýǵa jol bergen uiymdastyrýshylarǵa QR Ákimshilik quqyq buzýshylyq týraly Kodeksiniń 425-babynyń 1-bóligi boiynsha «halyqtyń sanitariialyq-epidemiologiialyq salamattylyǵy salasyndaǵy zańnama talaptaryn, sondai-aq gigienalyq normativterdi buzý» talaptary boiynsha ákimshilik jaýapkershilikke tartylady», - dedi ol.
