Aqtaýlyq qutqarýshylar teńizge batyp ketken 18 jastaǵy stýdenttiń denesin tapty. Ol teńizde súńgigen videosyn Jelide jariialamaq bolǵan, - dep habarlaidy Tengrinews.kz agenttigi Lada.kz portalyna silteme jasap.
Áleýmettik jelilerde taraǵan kadrlarda aqtaýlyq jigittiń teńizge sekirgenin baiqaýǵa bolady.
Mańǵystaý oblysy Tótenshe jaǵdailar departamenti málimetinshe, sýǵa batyp ketken jigit óli tabylǵan. 8 maýsymda saǵat 7:33 shamasynda súńgýirler 2004 jyly týǵan stýdenttiń denesin alty metr tereńdikten alyp shyqqan.
Eske salaiyq, 7 maýsymda Aqtaýda Beineý aýdanynyń týmasy, qaladaǵy kolledjderdiń birinde 1-kýrs oqityn stýdent teńizge batyp ketkeni habarlanǵan bolatyn.
